Зүү ороосон дунд гарын даалин
- Шинэ / Хуучин: Шинэ
Эр цэргийн баяраар Хайрт аавдаа, Хань нөхөртөө, Ахдаа, Дүүдээ үе уламжлагдан өвлүүлэх үнэ цэнэтэй, цор ганц бэлгийг бариарай.
НАР ЗӨВ Зүү ороосон, зоосон ширээн сүлжмэл, загасан нуруун гоёлтой сэтгэлээ шингээн урласан тэр бүр олон урлагдаагүй, улиг болоогүй орчин үеийн хээ угалзыг өнгө уусган оёсон дунд гарын сайхан даалин арилжнаа.
Орчин Цагийн LV brand мэт харагдах хээтэй.
Энэхүү даалингийн билэгдэл нь:
ЭВЭР УГАЛЗАН ХЭЭ: Гарал үүслийн хувьд Аргал угалзын эврээс санаа авч үүссэн, хамгийн түгээмэл бөгөөд анхдагч хээ юм. Эвэр угалзан хээ нь олз омогтой байх, урт наслах, энх амгалангийн билиг тэмдэг, гоо үзэсгэлэн, сүрлэг сайхны бэлгэдэлтэй. Мөн мал сүрэг үржин өсч, малчны амьдрал бялхан баяжихыг бэлгэднэ.
АМЬДРАЛЫН ЦЭЦЭГ ХЭЭ: бүх амьд оршихуй болоод амьдралын өөр хоорондын холбоог дүрслэн харуулсан дүрслэл юм. Тойрог нь нэг төвөөс үүссэнтэй адил бүх амьдрал нэг эх сурвалжаас эхтэй гэдгийг энэ загвар илэрхийлдэг ба биднийг муу муухайгаас хамгаалдаг ариун бэлэг тэмдэг гэж үздэг.
ТАВАН НҮДЭН ХЭЭ: Мөн дөрвөн арвайт хээ хэмээн нэрлэдэг. Эрт үеэс Монголчуудын хүндлэл билэгдлийн дээд болсоор ирсэн энэхүү хээ нь сахин хамгаалах, аривдан дэлгэрэх утгатайн дээр ихэс дээдсүүд сахиус мэт хүндлэн хэрэглэдэг байсан билээ.
ӨНГӨНИЙ БИЛЭГДЭЛ Номин ногоон өнгийг мөнх ногоон ургамал, оюу эрдэнэтэй зүйрлэж, үхэшгүй мөнх, үржин өсөх, өрнөн дэлгэрэх, хөгжил цэцэглэлт, бэлгэдэлтэйн дээр сайн сайхан, урт нас, идэр залуу, амар амгалангийн бэлгэдэлтэй гэж үздэг.
Хар өнгө нь хүч чадал эрх мэдлийг билэгддэг учраас дээр үед зөвхөн төрийн эрх ямбатай хүмүүс хар өнгийн дээл, торго, даалин хэрэглэдэг энгийн ард түмэн хэрэглэдэггүй байсан гэдэг.
Ижил зарууд
Таалагдсан хэсэг дэх шинэчлэлтүүдээ шалгана уу.