Салбар: Хөрөнгө оруулалтын банк, санхүүгийн үйлчилгээ
Гүйцэтгэх үндсэн үүрэг
-Үнэт цаасны компани болон хөрөнгө оруулалтын менежментийн компанийн нягтлан бодох бүртгэлийг бүрэн хариуцаж, сар, улирал, жилийн санхүүгийн хаалтыг удирдан зохион байгуулах.
-Татварын тайлан, санхүүгийн тайлан, зохицуулах байгууллагад хүргүүлэх тайлан болон холбогдох тооцоо, баримт бичгийн үнэн зөв байдлыг хянах.
-Хөндлөнгийн аудит, татварын хяналт шалгалтын үйл ажиллагааг зохион байгуулах, холбогдох байгууллагуудтай хамтран ажиллах.
-Удирдлагад зориулсан санхүүгийн тайлан, мөнгөн гүйлгээний мэдээлэл, төсөв болон төсвийн гүйцэтгэлийн тайлан боловсруулах.
-Мөнгөн хөрөнгө, төлбөр тооцоо, цалингийн бүртгэл, үндсэн хөрөнгө, авлага, өглөг болон холбогдох тооцоог удирдан хянах.
-Нягтлан бодох бүртгэлийн бодлого, санхүүгийн хаалтын үйл явц, баримтжуулалт болон дотоод хяналтын тогтолцоог сайжруулах.
-Хөрөнгө оруулалтын сангийн бүртгэл, цэвэр хөрөнгийн үнэ цэнийн (NAV) тооцоолол, хөрөнгө оруулагчдын бүртгэл болон холбогдох тулгалтын ажлыг хариуцах, хянах.
-Холбоотой компаниудын нягтлан бодох бүртгэл, санхүүгийн тайлан, татварын нийцэл болон бүртгэлийн чанарт хяналт тавих.
-Гүйцэтгэх захирал болон Үйл ажиллагаа хариуцсан захиралтай нягт хамтран ажиллаж, санхүү, нягтлан бодох бүртгэлтэй холбоотой асуудлаар мэргэжлийн зөвлөгөө өгөх.
Тавигдах шаардлага
-Нягтлан бодох бүртгэл, санхүүгийн чиглэлээр 5–8-аас доошгүй жилийн ажлын туршлагатай, үүнээс санхүүгийн салбарт ажилласан туршлагатай байх.
-Нягтлан бодох бүртгэлийг эхнээс нь эцэс хүртэл хариуцан ажиллах, сар болон жилийн санхүүгийн хаалт хийх, татварын тайлан гаргах, аудит болон санхүүгийн тайлагналын чиглэлээр туршлагатай байх.
-Нягтлан бодох бүртгэл, санхүү эсвэл холбогдох чиглэлээр бакалавр болон түүнээс дээш зэрэгтэй байх.
-Мэргэшсэн нягтлан бодогчийн (МНБ) эрхтэй бол давуу тал болно.
-Монгол Улсын нягтлан бодох бүртгэл, татварын хууль тогтоомж болон Санхүүгийн тайлагналын олон улсын стандарт (СТОУС)-ын талаар мэдлэгтэй байх.
-Мөнгөн хөрөнгийн удирдлага, цалингийн бүртгэл, дотоод хяналт, төсөв төлөвлөлт болон удирдлагын тайлагналын чиглэлээр ажиллаж байсан туршлагатай байх.
-Хөрөнгө оруулалтын сангийн бүртгэл, сангийн цэвэр хөрөнгийн үнэ цэнэ (NAV) тооцоолол, хөрөнгө удирдлагын компанид ажиллаж байсан бол давуу тал болно. Заавал шаардахгүй.
-Нягтлан бодох бүртгэлийн ажлыг бие даан гүйцэтгэхийн зэрэгцээ бусдын ажлыг хянах, удирдан зохион байгуулах чадвартай байх.
-Ёс зүйтэй, хариуцлагатай, нягт нямбай, мэдээллийн нууцлалыг чанд хадгалдаг, ажлын ачаалал болон хугацаанд нийцүүлэн ажиллах чадвартай байх.
-Англи хэлний мэдлэгтэй бол давуу тал болно. Заавал шаардахгүй.
