MSI компани GeForce RTX 5080 SUPRIM LIQUID загвараараа өндөр хүчин чадал, дээд зэрэглэлийн хөргөлтийн технологийг нэг дор шийджээ.
NVIDIA Blackwell архитектурт суурилсан энэхүү видео карт нь 10,752 CUDA цөм, 16GB GDDR7 санах ой, 256-bit санах ойн интерфейстэй бөгөөд 4K тоглоом, график боловсруулалт, өндөр ачаалалтай ажлуудад зориулагдсан.
Хамгийн том онцлог нь 360 мм-ийн AIO шингэн хөргөлтийн систем. Энгийн агаарын хөргөлттэй видео картуудаас ялгаатай нь GPU-ээс ялгарах дулааныг шингэнээр дамжуулан радиатор руу шилжүүлж, гурван сэнсний тусламжтай гадагшлуулдаг. Мөн карт дээрээ нэмэлт сэнстэй тул шингэн болон агаарын хөргөлтийг хослуулжээ.
MSI RTX 5080 SUPRIM LIQUID нь зөвхөн өндөр FPS гаргахад бус, удаан хугацааны өндөр ачааллын үед температурыг тогтвортой байлгахад чиглэсэн дээд зэрэглэлийн шийдэл юм.
