🩰 БАЛЕТ & МОНГОЛ БҮЖГИЙН БАГШ АЖИЛД АВНА
“Урлагийн элч Дари” Нийгэмд үйлчлэх төрийн бус байгууллага нь Нийслэлийн цэцэрлэгүүдэд хэрэгжүүлэх Балет & Монгол бүжгийн хүүхдийн урлаг, хөдөлгөөний хөгжлийн хөтөлбөрт тогтвортой ажиллах мэргэжлийн багш сонгон шалгаруулж байна.
Ажлын үндсэн үүрэг: 5–6 насны ахлах, бэлтгэл бүлгийн хүүхдүүдэд Балет болон Монгол бүжгийн хөтөлбөрөөр хичээл заах, хүүхдийн авьяас сонирхлыг нээн илрүүлэх, сургалтын ахиц үр дүнг хөтлөх. Мөн 12 дугаар сарын тайлан тоглолтод 1 балетын бүжиг, 1 Монгол бүжиг дэглэн найруулж, хүүхдүүдэд зааж бэлтгэн тайзнаа тоглуулна.
Ажлын нөхцөл: Даваа–Баасан гарагт 10:00–16:00 цагт ажиллана. Нийслэлийн хамтран ажиллагч цэцэрлэгүүдэд хуваарийн дагуу хичээл заана. Ажилтантай хөдөлмөрийн гэрээ байгуулж, албан ёсоор ажиллуулна.
Цалин: Эхний 3 сарын үндсэн цалин 2,500,000₮. 4 дэх сараас ажлын идэвх, хариуцлага, сургалтын чанар, хүүхдүүдийн ахиц үр дүн болон ажлын гүйцэтгэлийг харгалзан цалин нэмэгдэнэ.
Тавигдах шаардлага: Балет болон/эсвэл Монгол бүжгийн мэргэжлийн боловсролтой, хүүхэдтэй ажиллах дуртай, хариуцлагатай, цаг баримталдаг, зөв эерэг харилцаатай, тогтвортой ажиллах хүсэлтэй байх. Сургуулийн өмнөх насны хүүхдүүдтэй ажиллаж байсан туршлагатай бол давуу тал болно.
Материал: CV болон өөрийн зааж байсан анги, багшлах туршлагын товч танилцуулга. Боломжтой бол өмнө заасан хичээл, бэлтгэсэн бүжгийн бичлэг хавсаргана.
✉️ minister.ballet@gmail.com
“УРЛАГИЙН ЭЛЧ ДАРИ” НҮТББ
Урлаг • Боловсрол • Боломж
