Өмнөговь аймгийн Төв номын сан

Монголын Хот Байгуулалтын Хөгжлийн Танхимаас жил бүр зохион байгуулдаг "Шилдэг барилга" шалгаруулах арга хэмжээнд "Орон нутгийн онцлогийг шингээж модерн болон сонгодог интерьерийг хослуулан тав тухтай орчин нөхцлийг бүрдүүлсэн номын сангийн барилга" үндэслэлээр 2025 оны Шилдэг барилгаар шалгарсан Өмнөговь аймгийн ТӨВ НОМЫН САНыг танилцуулж байна. Аймгийн номын сан 1944 онд 200 гаруй номтойгоор аймгийн клубын нэгэн тасалгаанд уншлагын танхим хэлбэрээр анх үүсгэн байгуулагдсан түүхтэй. Өдгөө 11 ажилтан ажиллагсадтай 42707 ном хэвлэл бүхий сан хөмрөгтэй, жилдээ 2500 байнгын уншигч, 20000 гаруй ирэгсдэд 30000 орчим ном олгон аймгийнхаа иргэдэд ном соёлын үйлчилгээг хүргэн ажиллаж байна. Өмнөговь аймгийн 2022-2024 оны улсын төсвийн хөрөнгө оруулалтаар аймгийн төв номын сангийн барилгыг шинэчлэжээ. Өмнөговь аймгийн төв номын сангийн хөмрөг 161 мянгад хүрч, өнгөрсөн жил 80 орчим мянган хүн, тэр дундаа 31 мянган хүүхдэд үйлчилжээ.